Կորպորատիվ իրավունք և վերակազմակերպումներ

Կորպորատիվ իրավունքը հանդիսանում է յուրաքանչյուր բիզնեսի անբաժան ուղեկիցը:

​

Այն ընդարձակ ոլորտ է, որն իր մեջ ընդգրկում է բիզնեսի հիմնումը, կառավարումը, վերակազմակերպումը (միաձուլում, միացում, բաժանում առանձնացում կամ վերակազմավորում), բաժնետերերի և աշխատակիցների իրավունքների և պարտականությունների սահմանումը, վերջիններիս կողմից օրենքներին հետևելը և համապատասխան գործելը: Այլ կերպ ասած՝ կորպորատիվ իրավունքն այն ոլորտն է, որը կարգավորում է ընկերությունների ստեղծման, գործունեության և կառավարման կանոնները, սահմանում հետագա կարգավորումները և գործնական անհրաժեշտ մոտեցումները:

​

Կորպորատիվ իրավունքի ոլորտում մատուցում ենք հետևյալ ծառայությունները`

​

• կորպորատիվ իրավունքի հետ կապված հարցերի ամբողջական շրջանակի վերաբերյալ խորհրդատվություն,

• ընկերության գրանցման և կազմակերպաիրավական ձևի ընտրության հարցի կողմնորոշում,

• առևտրային և ոչ առևտրային կազմակերպությունների հիմնադրում և գրանցում,

• գրանցման հետ կապված վարչական ներկայացուցչություն (իրավաբանական անձանց գրանցման պետական ռեգիստր, դեպոզիտարիա/հաշվի օպերատորներ և այլն),

• կանոնադրության և այլ հիմնադիր փաստաթղթերի պատրաստում, կանոնադրության փոփոխությունների, կանոնադրական կապիտալի ավելացման կամ նվազեցման, տնօրենի փոփոխության, բաժնեմասի առուվաճառքի իրավաբանական ուղեկցում,

• բաժնետերերի համաձայնագրերի պատրաստում,

• ընկերության ընթացիկ իրավաբանական սպասարկում (պայմանագրերի կազմում, վերանայում, ամենօրյա գործունեությանը, աշխատանքային օրենսդրությանը, հարկային և մաքսային իրավունքին առնչվող իրավական աջակցություն),

• վերակազմակերպման մոդելի ճիշտ ընտրություն. ընկերությունների վերակազմակերպման (միաձուլում, միացում, բաժանում, առանձնացում, վերակազմավորում) գործընթացի իրավական ուղեկցում և գնահատում իրավական տեսանկյունից, անհրաժեշտ փաստաթղթերի պատրաստում,

• համակենտրոնացումների հայտարարագրման աջակցություն,

• ընկերության լուծարման գործընթացի իրականացում,

• իրավական համալիր վերստուգում (legal due diligence),

• կորպորատիվ համապատասխանության (corporate compliance) հետ կապված ծառայություններ,

• խորհրդատվություն բաժնետոմսերի համախմբման և բաժանման գործընթացներում,

• ընկերության արժեթղթերի, այդ թվում պարտատոմսերի, թողարկման և տեղաբաշխման իրավական ուղեկցություն,

• կորպորատիվ իրավունքի  հարցերով ներկայացուցչություն դատարաններում և արբիտրաժային վարույթների շրջանակներում: