Հայաստանի Հանրապետության օրենսդրությունն արգելում է շուկայում մենաշնորհ կամ գերիշխող դիրքի չարաշահումը, անբարեխիղճ մրցակցությունը և հակամրցակցային համաձայնությունները: Այս ամենը կարգավորվում է «Տնտեսական մրցակցության պաշտպանության մասին» ՀՀ օրենքով: Մրցակցության իրավունքի խախտման դեպքում տնտեսվարող սուբյեկտների համար օրենքով նախատեսված են զգալիորեն մեծ տուգանքներ, որոնք առաջացնում են հավելյալ նյութական կորուստներ:

​

Նման ռիսկեր զսպելու նպատակով մրցակցության իրավունքի ոլորտում մեր հաճախորդներին առաջարկում ենք հետևյալ ծառայությունները`

​

• ընկերությունների վերակազմակերպումների (միացում, միաձուլում, ձեռքբերում և այլն) դեպքում հակամենաշնորհային ռիսկերը նվազեցնելու և դատական վեճերը բացառելու նպատակով մրցակցության իրավունքի մասով խորհրդատվություն,

• համակենտրոնացման հայտարարագրերի պատրաստում,

• աջակցություն համակենտրոնացման համաձայնությունների ձեռքբերման հարցերում,

• հաճախորդի շահերի ներկայացուցչություն ՀՀ տնտեսական մրցակցության պաշտպանության պետական հանձնաժողովում (ՏՄՊՊՀ),

• դատական ներկայացուցչություն ընդհանուր իրավասության դատարաններում և վարչական դատարաններում՝ մրցակիցների և պետական մարմինների (ներառյալ ՏՄՊՊՀ-ի) հետ առկա վեճերում: