
+374 44 700 706
ՀՀ, 0028, Երևան, Օրբելի Եղ․ 45շ․
3-րդ հարկ, 322 գրասենյակ,
Դամառ բիզնես-կենտրոն
Ընթացիկ իրավաբանական սպասարկում
Մեր ընկերությունը մատուցում է նաև ընթացիկ իրավաբանական սպասարկման ծառայություններ՝ առաջարկելով հաճախորդներին ամսական տարբեր սակագնային փաթեթներ: Կախված հաճախորդի կարիքներից, գործունեության ծավալներից և առանձնահատկություններից՝ հաճախորդին առաջարկվող ամսական սակագնային փաթեթները ներառում են գրավոր և բանավոր խորհրդատվության տրամադրման տարբեր ժամաքանակներ:
Գրավոր խորհրդատվությունը ներառում է հաճախորդի գործունեության համար անհրաժեշտ թղթաբանության կազմումը և վերանայումը, բացառությամբ դատական ներկայացուցչության հետ առնչվող փաստաթղթերի, իսկ բանավոր խորհրդատվությունը՝ իրավական կարծիքի կամ եզրակացության, խորհրդատվության տրամադրում մեր կողմից սպասարկվող իրավունքի ցանկացած ոլորտում:
Ընթացիկ իրավաբանական սպասարկման շրջանակներում մեր իրավաբանները աջակցում են հաճախորդին գործարքների կնքման կապակցությամբ բանակցություններում, ինչպես նաև ներկայացնում են վերջինիս շահերը այլ կազմակերպությունների, պետական և տեղական ինքնակառավարման մարմինների հետ հարաբերություններում, մասնավորապես՝ իրավաբանական անձանց պետական ռեգիստրում, Կադաստրի կոմիտեում, հարկային և մաքսային մարմիններում և այլն: